“Hindistan nüvə silahından imtina edərsə, bənzər addım atmağa hazırıq”.
“Report” “Fox News”a istinadən xəbər verir ki, bunu Pakistan baş naziri İmran Xan deyib.
“Nüvə müharibəsi Pakistanla Hindistan arasında seçim deyil. Nüvə müharibəsi fikri hazırda özünü məhv etmək deməkdir”, – baş nazir bildirib.
Bundan əvvəl ABŞ prezidenti Donald Tramp da İmran Xanla görüşü zamanı Pakistanla Hindistan arasında vasitəçilik etməyə hazır olduqlarını bildirmişdi.
