2022-ci ildə isə təsdiq olunmuş müqaviləyə əsasən Azərbaycana 3 milyon 280 min doza vaksinlərin gətirilməsi nəzərdə tutulub.
Bu barədə Trend-in sorğusuna cavab olaraq İcbari Tibbi Sığorta üzrə Dövlət Agentliyindən məlumat verilib.
Bildirilib ki, gətirilməsi nəzərdə tutlan vaksinin 3 milyon 200 min dozasını CoronaVac, 80 min dozasını isə Sputnik V vaksini təşkil edir.
Xatırladaq ki, Azərbaycanda vaksinasiya prosesinə yanvarın 18-dən başlanılıb. Ölkədə vurulan vaksinlərin ümumi sayı 11 milyon 813 min 843, birinci mərhələ üzrə vaksinasiya olunanların ümumi sayı 5 milyon 214 min 125, ikinci mərhələ üzrə vaksinasiya olunanların sayı 4 milyon 729 min 273, buster doza üzrə vaksinasiya olunanların sayı isə 1 milyon 870 min 445 təşkil edir.
