“ABŞ administrasiyası taxıl müqaviləsinin uzadılacağına ümid edir”.
“Report” xəbər verir ki, bunu ABŞ-ın Milli Təhlükəsizlik Şurasının strateji kommunikasiyalar üzrə koordinatoru Con Kirbi deyib.
Onun sözlərinə görə, bu baxımdan Amerika tərəfi BMT və Türkiyəyə dəstək vermək niyyətindədir.
“Biz bu təşəbbüsün genişləndirilməsi imkanları baxımından BMT-yə və Türkiyə Prezidenti Rəcəb Tayyib Ərdoğana ehtiyac olduğu təqdirdə dəstəyimizi davam etdirəcəyik, çünki bu, həqiqətən də regiondan çox uzaqlardakı insanlar üçün vacibdir”.
Eyni zamanda o, Rusiyanın taxıl müqaviləsinin şərtlərinə əməl etməməsi ilə bağlı vəziyyəti şərh etməyib.
