Almaniya Xarici İşlər Nazirliyinin Şərqi Avropa, Cənubi Qafqaz, Mərkəzi Asiya üzrə müvəkkili Mixael Zibert mayın 7-də Azərbaycana səfər edəcək.
Türk.az xəbər verir ki, bu barədə mətbuat konfransında Almaniyanın Azərbaycandakı səfiri Mixael Kindsqrab bildirib.
O, gələn ayın sonunda həmçinin ölkəsinin parlament heyətinin də Azərbaycana gələcəyini diqqətə çatdırıb.
Almaniyalı diplomat bu səfərlərin iki ölkə arasındakı əməkdaşlığın inkişaf etməsinə əyani sübut olduğunu da dilə gətirib.
