Azərbaycan Avtomobil Yolları Dövlət Agentliyi Bakının Nəsimi rayonunun Dilarə Əliyeva küçəsinin bir hissəsini (Azadlıq prospektindən Fikrət Əmirov küçəsinə qədər olan hissə) təmir edib.
“Report” xəbər verir ki, bu barədə Agentlik məlumat yayıb.
Bildirilir ki, ortalama eni 10 metr təşkil edən küçənin təmir olunan hissəsinin uzunluğu 170 metrdir. Təmir işləri çərçivəsində, frezlənmə, yeni asfalt-beton örtüyünün döşənməsi, kommunikasiya xətlərinin baxış qapaqlarının yenisi ilə əvəz olunması və layihə hündürlüyünə qaldırılması işləri yerinə yetirilib.
Sonuncu mərhələdə küçə üfüqi nişanlanma xətləri, piyada zolaqları ilə təmin olunub.
