Bakı Dövlət Universitetinin (BDU) nəzdindəki “Gənc istedadlar” liseyinin V siniflərinə qəbul imtahanı keçirilib. Liseyə qəbul olmaq üçün 2 535 nəfər müraciət edib.
BDU-dan AZƏRTAC bildirilib ki, imtahan prosesi mütəşəkkil qaydada keçirilib, şagirdlərin öz bilik və bacarıqlarını göstərə bilmələri üçün bütün şərait yaradılıb.
İmtahanın nəticələrinin bir həftə ərzində açıqlanacağı gözlənilir.
“Gənc istedadlar” liseyi ölkənin ən yaxşı liseyləri sırasındadır. Liseyin şagirdləri hər il beynəlxalq və ölkə əhəmiyyətli müsabiqə və olimpiadalarda önəmli yerlər qazanırlar.
