Azərbaycan Respublikasının Prezidenti yanında Qeyri Hökumət Təşkilatlarına Dövlət Dəstəyi Şurasının
maliyyə dəstəyi ilə “Himayədar” Tənha və Valideyn Himayəsinə Ehtiyacı olanlara Kömək İctimai Birliyi tərəfindən “Məişət zorakılığına qarşı məcburi köçkün qəsəbələrində tədbirlərin təşkili” layihəsi çərçivəsində 2 saylı Cəbrayıl rayon Məcburi Köçkün Qəsəbəsində sakinlərə növbəti təlim keçirildi.
Təlimdə 31 nəfər iştirak edirdi.
“Zorakılığa yox deyək- ailəmizi qoruyaq” mövzusunda təlimin məqsədi Cəbrayıl rayonunun 2 saylı Məcburi Köçkün Qəsəbəsində ailədaxili münasibətlərin ağsaqqal, ağbirçək mediasiyası ilə xoş rəftar əsasında qurulması ənənələrinin bərpasına dəstək verməkdən ibarət olmuşdur.
Təlimçi Nizami Musayev tədbir iştirakçılarına məişət zorakılığının baş vermə forma və səbəbləri və ondan çıxış yolları barədə ətraflı məlumat verərək, iştirakçıların müvafiq mövzuda suallarını cavablandırmışdır. Iştirakçı İsmayılova Əfruzun qonşular arasında xırda bir məsələyə görə münaqişələrin qarşısının zamanında alınması yolları üzrə sualını təlimçi Nizami Musayev ətraflı şəkildə cavablandırdı.
Çay fasiləsindən sonra layihə eksperti Qızbəs Məmmədova məişət zorakılığının ümumiyyətlə cəmiyyət və Dövlətin müştərək problemi olduğunu vurğuladı və hər bir ailədə bu problemlərin həlli üçün zəruri addımların vaxtında atılmasının zəruri olduğunu bildirdi.
Layihə heyəti iştirakçılara mehriiban ailə şəraitində yaşamağı arzuladı.
Layihə heyəti eyni zamanda tədbirin təşkil olunmasında əsaslı dəstəklərinə görə Cəbrayıl Rayon İcra Hakimiyyətinə və tədbir iştirakçılarına öz təşəkkürünü bildirdi.
İştirakçılar tərəfindən təlim qiymətləndirildi. 2 saylı Qəsəbə sakinləri təlimdən razı olduqlarını və yerlərdə analoji təlimlərin mütəmadi keçirilməsinin effektli olacağını bildirdilər.
