Kanadanın Baş naziri Castin Trüdo Liberal Partiyasının rəhbərliyindən istefa verdiyini elan edib.
AZƏRTAC-ın məlumatına görə, 53 yaşlı siyasətçi paytaxt Ottavada keçirdiyi mətbuat konfransı zamanı partiya yeni liderini seçənə qədər Baş nazir vəzifəsində qalacağını açıqlayıb.
Castin Trüdo bildirib ki, yeni lider seçilənə kimi ölkə parlamenti martın 24-dək fəaliyyətini dayandıracaq.
