Açıqlanmayan səbəblərdən Krım körpüsündə nəqliyyatın hərəkəti dayandırılıb.
“Report” xəbər verir ki, bu barədə TASS məlumat yayıb.
Qeyd olunub ki, Rusiyanın Sevastopol vilayətində sutka ərzində üçüncü dəfə hava hücumu xəbərdarlığı elan edilib.
Vilayətin Avtomobil Nəqliyyatı İnfrastrukturunun İnkişafı Direktorluğundan verilən məlumata görə, dəniz və quruda ictimai nəqliyyatın hərəkəti dayandırılıb.
Başqa bir məlumata görə isə Ukraynanın Xmelnitski vilayətində silsilə partayışlar olub. Buna səbəb kimi əraziyə Pilotsuz Uçuş Aparatları (PUA) ilə hücum göstərilir. İtki və dağıntılar barədə hələ ki, məlumat yoxdur.
Qeyd edək ki, daha əvvəl Ukrayna Krımdakı Rusiya aviabazasını vurub. Nəticədə 5-i zabit olmaqla 23 hərbçi ölüb.
