Çexiyanın paytaxtı Praqa şəhərinin məhkəməsi Ermənistanın keçmiş prezidenti Serj Sarqsyanın qardaşı oğlu Naerk Sarqsyanın ölkəsinə ekstradisiyası barədə qərar qəbul edib.
“Report” xəbər verir ki, məlumatı Ermənistan KİV-i yayıb.
Qeyd edək ki, ötən il dekabrın 7-də “İnterpol” və Praqa polisi 31 yaşlı N.Sarqisyanı saxlayıb. Sənədləri yoxlanılan zaman onun üzərindən Franklin Qonsalesin adına saxta Qvatemala vətəndaşı pasportu aşkar edilib. Ermənistanda S.Sarqsyanın qardaşı oğluna qarşı narkotik maddələrin qanunsuz dövriyyəsi, qanunsuz silah saxlamaq, işgəncə vermək ittihamları irəli sürülüb.
